"Интер"нинг "Майами" клуби вингери Эдисон Азкона жамоадошлари аргентиналик ҳужумчи Лионель Месси билан гаплашиш учун испан тилини ўрганаётганини тан олди.
"Мен Леонинг инглиз тилида гаплашаётганини эшитмаганман... Баъзан у кириб келганида "Хайрли тонг" дейди, лекин инглиз тилида гапирадиган ва испан тилини билмайдиганлар бу тилда гапиришни, испанча гапиришни ўрганяпти", - дейди футболчи.
36 ёшли аргентиналик ёзги трансфер ойнасида "ПСЖ" билан шартномаси тугагач, "Интер Майами"га ўтди. Месси жамоа сафида 14 та ўйин ўтказиб, 11 та гол урди ва 5 та голли узатмани амалга оширди.
