Марио Балотелли Исроил билан зиддият кучайиб бораётган бир пайтда Фаластинни қўллаб-қувватлаган.
Ҳозирда Туркиянинг «Адана Демирспор» жамоасида ўйнаётган «Интер»нинг собиқ ҳужумчиси 2009 йилда Исроилнинг ўша пайтдаги президенти Шимон Переснинг Фаластин билан можаро ҳақидаги сўзларига жавобан Ражаб Тоййиб Эрдўғоннинг Жаҳон иқтисодий форумидаги нутқи ёзувини ижтимоий тармоқларда эълон қилган эди.
Унга кўра Эрдўғон қуйидагиларни айтган: «Мамлакатингизнинг икки собиқ бош вазирлари танкларда Фаластинга боришдан хурсанд эканликларини айтишганини эслайман. Сизнинг айтганларингизни олқишлаш жуда ачинарли. Кўп одамлар ҳалок бўлди. Менимча, бу мутлақо нотўғри ва ғайриинсоний», — деган Эрдўғон.
