"Реал Мадрид" раҳбарияти клуб бош мураббийи Карло Анчелоттининг ўйин учун таркиб танлашидан норози, деб хабар беради Relevo.
Манба берган хабарга кўра, Анчелотти Испания чемпионатининг 10-туридан ўрин олган "Севиля" билан ўйинда (1:1) Лука Модрич ва Тони Кроосдан фойдаланганидан норози. Раҳбарият клуб фахрийлари ўз ўрнини янги истеъдодлар Тчуамени, Камавинга ва Вальвердега бўшатишлари керак, деб ҳисобламоқда.
Испания чемпионатининг ўн туридан кейин “Реал” 25 очко билан турнир жадвалида пешқадамлик қилмоқда. Испания чемпионатининг навбатдаги турида “Реал” “Барселона” билан ўйнайди.
