Ҳозирда жаҳоннинг энг кучли икки футболчиси фаолиятини бошқа-бошқа қитъаларда давом эттирмоқда. Аргентиналик 36 ёшли Лионель Месси АҚШда "Интер Майами" шарафини ҳимоя қилаётган бўлса, португалиялик 38 ёшли Криштиану Роналду "Ан-Наср" билан Осиёни забт этишга бел боғлаган.
Squawka портали икки афсонанинг жарима зарбаларидан фойдаланиш статистикасини тақдим этди. Унга кўра, Лионель Месси фаолиятида 65 маротаба жарима зарбаларидан унумли фойдаланган бўлса, Криштиану бундай муваффақиятли урунишлар сони 61 тани ташкил этади. Иккаласи ҳам фаолиятини давом эттираётганини ҳисобга олсак, кураш давом этади.