Жорий мавсумни «Машъал»да дарвозабонлар мураббийи сифатида ўтказган Денис Иванков айни пайтда Тошкентда бўлиб турибди. У Россия фуқароси ҳисобланади ва яқинда маълум муддат уйида бўлиб қайтди.
Ҳозирги пайтга келиб Иванковнинг «Машъал» билан шартномаси тугаган ва эркин агент сифатида ўзига янги иш жойи қидирмоқда. Ўзининг айтишича, ҳозирча олий лигамизнинг ҳеч бир клубидан таклиф бўлгани йўқ. Шунинг учун пайшанба куни кечки пайт уйига учиб кетмоқчи. Катта эҳтимол билан «Машъал» кейинги йилни биринчи лигада ўтказади. Лекин Иванков бу жамоада бошқа ишламаса керак, чунки ҳозирда клуб дарвозабонларини ёш мураббийлардан бири Павел Синельников шуғуллантириб турибди. Денис Иванков Ўзбекистонда янги иш топадими-йўқми, бу яқин орада маълум бўлиб қолса керак.
