Италиялик мутахассис Карло Анчелотти келаси мавсумда "Реал"да қолиши мумкин. Бу ҳақда инсайдер Рамон Алварес де Монт хабар берди.

Маълум бўлишича, "қироллик" клуби раҳбарияти мутахассисга янги меҳнат шартномаси таклиф қилиш имкониятини кўриб чиқмоқда. Томонлар ўртасидаги амалдаги шартнома жорий мавсум охирида якунига етади.

Аввалроқ матбуотда Анчелотти келаси ёзда "қаймоқранглилар"ни тарк этиб, Бразилия терма жамоасига кетиши ҳақида хабарлар тарқалган эди.

Ла Лиганинг ўн туридан сўнг “Реал” 25 очко жамғариб, қўшимча кўрсаткичлар бўйича “Жирона”ни ортда қолдириб, турнир жадвалида пешқадамлик қилмоқда.