Italiyalik mutaxassis Karlo Anchelotti kelasi mavsumda "Real"da qolishi mumkin. Bu haqda insayder Ramon Alvares de Mont xabar berdi.
Ma’lum bo‘lishicha, "qirollik" klubi rahbariyati mutaxassisga yangi mehnat shartnomasi taklif qilish imkoniyatini ko‘rib chiqmoqda. Tomonlar o‘rtasidagi amaldagi shartnoma joriy mavsum oxirida yakuniga yetadi.
Avvalroq matbuotda Anchelotti kelasi yozda "qaymoqranglilar"ni tark etib, Braziliya terma jamoasiga ketishi haqida xabarlar tarqalgan edi.
La Liganing o‘n turidan so‘ng “Real” 25 ochko jamg‘arib, qo‘shimcha ko‘rsatkichlar bo‘yicha “Jirona”ni ortda qoldirib, turnir jadvalida peshqadamlik qilmoqda.
