«Барселона» бош мураббийи Хави Эрнандес ярим ҳимоячи Педрининг тикланиш жараёни қандай кетаётганини айтиб берди. Эслатиб ўтамиз, футболчи жароҳатини мавсум бошида август ойи охирида олганди.
"Педри икки ойдан бери йўқ? Биз ўйинчининг ҳис-туйғуларига қараб ҳаракат қиламиз. Биз Педри қайтиши учун ҳамма нарсани қиламиз. Ҳозирча ҳаммаси жойида”, - деди Хави матбуот анжуманида.
Педрининг келаси дам олиш кунлари бўлиб ўтадиган "Реал"га қарши ўйинда майдонга қайтиши учун яхши имконият борлиги аввалроқ хабар қилинганди. Ярим ҳимоячи жароҳат олдидан Испания чемпионатида битта гол уришга муваффақ бўлган.
