"Челси" ҳужумчиси Коул Палмер "Арсенал"га қарши АПЛ 9-тур учрашувида (2:2) жамоа бош мураббийи Маурисио Почеттинони шиша билан уриб, ноқулай вазиятга тушиб қолди.
Ўтган ҳафта охирида "Арсенал"га қарши кечган Лондон дербисида "Челси" икки тўп фарқи билан устунликни қўлдан чиқарди, Леандро Троссард асосий вақт тугашига олти дақиқа қолганида ҳисобни тенглаштирди. Пенальтидан ҳисобни очган Палмер Троссард гол урган пайтда шишадан сув ичган ва идишни улоқтирганида тасодифан Почеттинога теккан.
21 ёшли футболчи шу заҳоти мураббийидан узр сўради, бироқ "Челси"нинг расмий сайтига воқеа ҳақида гапирар экан, жамоадаги ўрнини йўқотиши мумкинлиги ҳақида ҳазил қилди.
