"Фулхэм" бош мураббийи Марко Силва шартномасини узайтириши ҳақида гапирди. Бугун португалиялик мураббий 2025/2026 йилги мавсум охиригача шартнома имзолагани маълум бўлди.

“Янги шартнома имзолаганимдан жуда хурсандман, чунки биз бу ҳақда анчадан бери муҳокама қилиб келдик. Иккала томон ҳам хурсанд бўлса ва биргаликда ишлашни давом эттиришни хоҳласа, бу ҳар доим яхши белгидир. Ишим ҳали тугамагандек туюлади. Биз иккита ажойиб мавсумни ўтказдик ва мақсадимиз аниқ - Премьер-лигада юқори ўринни қўлга киритиш. Биз бу мақсадни амалга ошириш учун бор куч-ғайратимизни ишга соляпмиз", - деди Силва "Фулхэм" расмий сайтига.

"Фулхэм" ҳозирда АПЛ турнир жадвалида 13-ўринни эгаллаб турибди.