"Fulxem" bosh murabbiyi Marko Silva shartnomasini uzaytirishi haqida gapirdi. Bugun portugaliyalik murabbiy 2025/2026 yilgi mavsum oxirigacha shartnoma imzolagani ma’lum bo‘ldi.
“Yangi shartnoma imzolaganimdan juda xursandman, chunki biz bu haqda anchadan beri muhokama qilib keldik. Ikkala tomon ham xursand bo‘lsa va birgalikda ishlashni davom ettirishni xohlasa, bu har doim yaxshi belgidir. Ishim hali tugamagandek tuyuladi. Biz ikkita ajoyib mavsumni o‘tkazdik va maqsadimiz aniq - Premyer-ligada yuqori o‘rinni qo‘lga kiritish. Biz bu maqsadni amalga oshirish uchun bor kuch-g‘ayratimizni ishga solyapmiz", - dedi Silva "Fulxem" rasmiy saytiga.
"Fulxem" hozirda APL turnir jadvalida 13-o‘rinni egallab turibdi.
