Жозе Моуриньо А Сериянинг битта ўйинига дисквалификация қилинди.
Эслатиб ўтамиз, "Рома" устози "Монца"га қарши ўйиннинг 101-дақиқасида (1:0) қизил карточка олган эди. Учрашув сўнгида "Монца" ярим ҳимоячиси Маттео Пессина тўп ташлаб берадиган болакай унга тўпни жуда узоқда бераётганидан шикоят қилди. Буни кўрган португалиялик мураббий йиғлаётгандек имо-ишора қилиб, рақиб футболчисига тақлид қилди. Бунинг учун бош ҳакам Жованни Айрольди Моуриньони майдондан четлатди.
Ижро-интизом қўмитаси Моуриньони А Сериянинг бир ўйинига дисквалификация қилишга қарор қилди – у "Интер"га қарши ўйинда жамоани бошқара олмайди.
Португалиялик мураббийнинг ёрдамчиси Нуну Сантуш ҳам дисквалификация қилинди - у "рақиб захира ўйинчиларига нисбатан провокацион хатти-ҳаракатлар кўрсатди; қоидабузарлик тўртинчи ҳакам томонидан аниқланди.
А Сериянинг 10-туридан ўрин олган “Интер” – “Рома” учрашуви 29 октябрь куни бўлиб ўтади.
