Лондоннинг «Арсенал» клуби бош мураббийи Микель Артета жамоа ярим ҳимоячиси Кай Хаверц ҳақида фикр билдирди.
«Биз Кайга ишонамиз. У ўйинимизни яхшилашга ёрдам берадиган ажойиб йигит. Бизнинг Ҳаверцга ишончимиз юқори» - дея Артетанинг сўзларидан иқтибос келтиради машҳур журналист Фабрицио Романо ижтимоий тармоқдаги саҳифасида.
24 ёшли Хаверц ўтган ёзда «Арсенал» сафига келиб қўшилган эди. Жорий мавсумда футболчи барча турнирларни ҳисобга олган ҳолда 13 та учрашувда иштирок этиб, битта гол урди ва битта голли узатмани амалга оширди.
