"Барселона"нинг икки нафар жароҳат олган футболчиси Испания чемпионатининг навбатдаги турида "Реал"га қарши майдонга тушиш имкониятига эга. Гап ҳужумчи Роберт Левандовски ва вингер Рафинья Диас ҳақида кетмоқда.
Инсайдер Алекс Пинтанел маълумотларига кўра, "Барселона"нинг барча жароҳат олган футболчилари орасида Левандовски ва Рафинья Испания чемпионатининг марказий ўйинида ўйнаш учун энг яхши имкониятларга эга. Айни пайтда ярим ҳимоячи Педрининг иштирок этиши даргумон кўринади.
Эслатиб ўтамиз, "Барселона" бугун ҳам Чемпионлар лигаси гуруҳ босқичи 3-турида "Шахтёр" билан ўйнаши керак.
