ЦСКА ярим ҳимоячиси Аббосбек Файзуллаев «армиячилар» дарвозабони Игор Акинфеев ҳақида фикр билдирди.
Файзуллаев РПЛда ЦСКАга ўтишдан олдин ҳамюрти Элдор Шомуродов «Ростов»да ўйнагани сабабли бу жамоага кўпроқ эргашганини тан олди.
Шу билан бирга, 20 ёшли вингер 2003 йилдан бери ЦСКА шарафини ҳимоя қилиб келаётган жамоадоши Игор Акинфеев ҳақида илиқ фикрлар айтди.
«Менга ҳар доим Игор Акинфеевнинг ўйини манзур келган. ЦСКА афсонаси! У Испания билан ўйинда пенальтини қайтариб, Россия терма жамоасига чорак финалга чиқишга ёрдам берган ва ушбу жаҳон чемпионатини кўрганман», — деди Файзуллаев.
