"Ливерпуль"нинг собиқ ҳимоячиси Жейми Каррагер молиявий қоидаларни бузгани учун "Эвертон"дан Премьер-лигада 12 очко олиб қўйилиши мумкинлигига муносабат билдирди.
"Премьер-лига "Эвертон"дан 12 очко олиб ташланишини талаб қилмоқда. "Манчестер Сити" бу Премьер-лига ёндашуви билан Шимолий Миллий лигада (Англиянинг олтинчи дивизиони - муаллиф) иштирок этар эди!
Одамлар "Эвертон" ҳақида қанча гапиришлари ақл бовар қилмайдиган. Лекин, 114 та айблови бор "Манчестер Сити" ҳақида эса жим бўлишмоқда", - деб ёзди Каррагер ижтимоий тармоқда.
Эслатиб ўтамиз, Премьер-лига йил бошида "Манчестер Сити"ни 100 дан ортиқ молиявий қоидабузарликда айблаган эди. Суд жараёни ҳамон давом этмоқда.
