"Реал" янги ҳомий топиши мумкин, деб хабар бермоқда The Athletic журналистлари.
Манбанинг хабар беришича, “қироллик” клуби раҳбарияти Саудия Арабистони банки билан ҳамкорлик бўйича муваффақиятли музокаралар олиб борган. Томонлар барча тафсилотларни келишиб олдилар.
Шу билан бирга, манбанинг қайд этишича, банк билан келишув логотипни футболкаларга қўйиш, машғулот формаси ёки стадионда реклама жойлаштиришни назарда тутмайди.
Испания чемпионатининг жорий мавсумида мадридликлар 25 очко жамғариб, тўққиз турдан кейин биринчи ўринда бормоқда. Карло Анчелотти шогирдлари навбатдаги ўйинни сафарда каталониялик "Барселона"га қарши ўтказади.
