Украиналик дарвозабон Андрей Лунин ўйин амалиётига кам эга бўлаётгани учун "Реал"ни тарк этмоқчи. Todofichajes портали хабарларига кўра, дарвозабон Тибо Куртуа ва Кепа Аррисабалаганинг соясида қолишдан чарчаган.
Лунин "қироллик клуби" билан шартномасини узайтирмоқчи эмас. Томонлар ўртасидаги шартнома келаси ёзда якунига етади. У 2018 йилдан бери "Реал"да ўйнамоқда. Transfermarkt портали экспертлари Андрейнинг нархини беш миллион еврога баҳоламоқда.
Жорий Испания чемпионатида дарвозабон иккита ўйин ўтказиб, битта гол ўтказиб юборди.