Британиялик мухлислар Жуд Беллингемнинг "Эл Класико"даги илк учрашувини томоша қила олмайди.
"Барселона" ва "Реал Мадрид" ўртасидаги учрашув эрта бошланиши сабабли Англияда трансляция қилинмайди.
AS нашрининг эслатишича, Буюк Британияда шанба кунлари маҳаллий вақт билан соат 14:45 дан 17:15 гача ўйинларни трансляция қилишни тақиқловчи қонун мавжуд. Ушбу қонун одамларни стадионларга боришга ундайди - Буюк Британияда ўйинларнинг аксарияти шанба куни бўлиб ўтади.
"Барселона" - "Реал" учрашуви 28 октябрь куни Буюк Британия вақти билан 15:15 (Тошкент вақти билан 19:15) да бошланади.
Айтиш жоизки, бу қонун Буюк Британияда 60-йиллардан бери амалда. У камида 2029 йилгача амал қилади.
