Ла Лиганинг «Бетис» клуби грециялик 35 ёшли марказий ҳимоячиси Сократис Папастатопулос билан расман шартнома имзолади. Бу ҳақда клуб матбуот хизмати хабар берди.

Эслатиб ўтамиз, Сократис ёзда Грециянинг «Олимпиакос» жамоасини тарк этганидан бери эркин агент бўлиб турибди. Миш-мишларга кўра, ҳатто «Бавария» ҳам уни ўз сафига қўшиб олмоқчи бўлган, аммо якунда у андалусияликлар сафига бориб қўшилди.

Футболчи ва клуб ўртасидаги шартнома жорий мавсум охиригача имзоланган. Transfermarkt тажрибали юнонни атиги 800 минг еврога баҳолайди.

Испания чемпионатининг 10-тури якунларига кўра, «Бетис» 14 очко билан 9-ўринда бормоқда.