La Liganing «Betis» klubi gresiyalik 35 yoshli markaziy himoyachisi Sokratis Papastatopulos bilan rasman shartnoma imzoladi. Bu haqda klub matbuot xizmati xabar berdi.

Eslatib o‘tamiz, Sokratis yozda Gresiyaning «Olimpiakos» jamoasini tark etganidan beri erkin agent bo‘lib turibdi. Mish-mishlarga ko‘ra, hatto «Bavariya» ham uni o‘z safiga qo‘shib olmoqchi bo‘lgan, ammo yakunda u andalusiyaliklar safiga borib qo‘shildi.

Futbolchi va klub o‘rtasidagi shartnoma joriy mavsum oxirigacha imzolangan. Transfermarkt tajribali yunonni atigi 800 ming yevroga baholaydi.

Ispaniya chempionatining 10-turi yakunlariga ko‘ra, «Betis» 14 ochko bilan 9-o‘rinda bormoqda.