Англия чемпионатида ирқчилик билан боғлиқ навбатдаги можаро авж олди.
«Манчестер Юнайтед» ярим ҳимоячиси Алехандро Гарначо Европа чемпионлар лигаси доирасида бўлиб ўтган «Копенгаген»га қарши ўйиннинг 97-дақиқасида пенальтини қайтариб, қаҳрамонлик намойиш этган жамоадоши Андре Онанани мақташ мақсадида "қовун тушириб қўйди".
У ижтимоий тармоққа камерунлик посбоннинг суратини жойлаб, унга горилла маймунининг белгсини қўйди. Аммо Горначо кейинчалик ушбу постни ўчириб ташлади.
Англия футбол ассоциацияси ушбу постга эътибор қаратди. Аргентиналик футболчи ирқчиликка йўл қўйгани учун дисквалификация қилиниши мумкин. Ҳозирда суриштирув ишлари олиб борилмоқда.
Онана эса жамоадошини ҳимоя қилишга қарор қилди: «Горначонинг бу иши учун хафа бўлишим керакми ёки йўқми, буни одамлар ҳал қилишмайди. Алехандро бу пост орқали нимани назарда тутганини биламан — куч ва қувват. Бу мавзу оммалашиши керак эмас».
