Angliya chempionatida irqchilik bilan bog‘liq navbatdagi mojaro avj oldi.

«Manchester Yunayted» yarim himoyachisi Alexandro Garnacho Yevropa chempionlar ligasi doirasida bo‘lib o‘tgan «Kopengagen»ga qarshi o‘yinning 97-daqiqasida penaltini qaytarib, qahramonlik namoyish etgan jamoadoshi Andre Onanani maqtash maqsadida "qovun tushirib qo‘ydi".

U ijtimoiy tarmoqqa kamerunlik posbonning suratini joylab, unga gorilla maymunining belgsini qo‘ydi. Ammo Gornacho keyinchalik ushbu postni o‘chirib tashladi.

Angliya futbol assosiasiyasi ushbu postga e’tibor qaratdi. Argentinalik futbolchi irqchilikka yo‘l qo‘ygani uchun diskvalifikasiya qilinishi mumkin. Hozirda surishtiruv ishlari olib borilmoqda.

Onana esa jamoadoshini himoya qilishga qaror qildi: «Gornachoning bu ishi uchun xafa bo‘lishim kerakmi yoki yo‘qmi, buni odamlar hal qilishmaydi. Alexandro bu post orqali nimani nazarda tutganini bilaman — kuch va quvvat. Bu mavzu ommalashishi kerak emas».