"Реал" Ла Лига 11-турида сафарда "Барселона" меҳмони бўлади. Испаниянинг "Marca" нашри ушбу ўйин учун мадридликларнинг тахминий таркибини эълон қилди.
Нашрга кўра, мадридликлар "класико"да 3 очко қўлга киритиш учун ҳамма нарсани қилиш керак деб ҳисобламоқда, бироқ шу билан бирга жамоа керак бўлса ўйин давомида алмаштиришлар билан ўйинни кучайтириш имкониятини сақлаб қолиши керак. Шу боисдан, Хоселу, Модрич ва Камавинга ўйинни захира ўриндиғида бошлаши кутилмоқда.
Анчелотти ўйиннинг илк дақиқалариданоқ Ферлан Мендига, шунингдек, "Брага"га қарши ўйинда дам олган Кроосга ишонмоқчи.