"Барселона" ва Испания терма жамоасининг собиқ футболчиси Сеск Фабрегас Фермин Лопес ҳақида ўз фикрлари билан ўртоқлашди.
20 ёшли ярим ҳимоячи жорий мавсумда "Блауграна"нинг асосий жамоасида ўйнай бошлади, бироқ аллақачон жамоадошлари ва мураббийи Хави Эрнандеснинг мақтовига сазовор бўлди.
“Фермин жуда вертикал футболчи ва менга бу сифат ёқади. Уни мен билан солиштирганларга шуни айтишим мумкинки, мен ҳам баъзи ўхшашликларни кўраман", - деди Фабрегас RAC1 нашрига берган интервьюсида.
Фермин Лопес жорий мавсумда саккизта ўйин ўтказиб, иккита гол ва битта голли узатмани амалга оширди.
