"Тоттенхэм" марказий ҳимоячиси Кристиан Ромеро ўзига хос муваффақиятга эришди.
"Шпорлар" "Кристал Пэлас"ни мағлуб этди (2:1), аргентиналик эса 141 та аниқ узатмани амалга оширди - бу "Тоттенхэм" футболчилари учун Премьер-лигадаги маълумотлар йиғишнинг бутун даври (2003/04 йилги мавсумдан бери) учун рекорд, деб хабар беради Opta. 25 ёшли футболчининг узатмаларидан атиги ўнтаси ноаниқ бўлди (93% аниқлик).
"Тоттенхэм" Англия чемпионатининг ўн туридан сўнг 26 очко тўплади ва ўзининг энг яқин таъқибчилари "Манчестер Сити" ва "Арсенал"дан очколари сонини бештага етказди. Пеп Гвардиола ва Микель Артета жамоалари мос равишда якшанба ва шанба кунлари ўз ўйинларини ўтказишади.
