"Манчестер Юнайтед" марказий ҳимоячиси Харри Магуайр жамоа ривожланишда давом этиши кераклигини тан олди.
"Қизил иблислар" мавсумни омадсиз бошлашди, аммо охирги учта ўйинда, жумладан Чемпионлар лигаси доирасидаги "Копенгаген"га қарши ўйинда ҳам ғалаба қозонишди. Якшанба куни Эрик тен Хаг шогирдлари “Манчестер Сити”га қарши баҳс олиб боради.
“Ҳозир мукаммал футбол намойиш этмаяпмиз, деб ўйламайман, аммо охирги учта ўйинда ғалаба қозона олдик, бу жуда муҳим. Бу клубда ғалаба қозониш керак. Биз ўзимиздан кўпроқ нарсани талаб қиламиз, шунинг учун машғулотларда астойдил ҳаракат қиламиз", - деди 30 ёшли инглиз "Манчестер Юнайтед" расмий каналига берган интервьюсида.
