Кеча, 27 октябрь куни “Тоттенхэм” Англия чемпионатининг 10-тури доирасидаги ўйинда “Кристал Пэлас”ни меҳмонда мағлуб этди – 2:1.
Бунинг эвазига лондонликлар якшанба куни “Манчестер Юнайтед”га қарши ўйнайдиган “Манчестер Сити”дан 5 очко кўп тўплаган ҳолда турнир жадвалида пешқадамликни давом эттирмоқда.
Анге Постекоглунинг Премьер-лигадаги дастлабки 10 ўйинида тўплаган 26 очкоси турнир рекорди ҳисобланади.
Бунгача 2008/09 йилги мавсумда “Челси”ни бошқарган ва шу даврда 25 очко жамғарган Гуус Хиддинк етакчилик қилган.
Учинчи ўриндан “Челси”нинг яна икки собиқ устози Маурицио Сарри ва Карло Анчелотти 24 очко билан жой олган.
