"Ювентус" раҳбарияти 22 ёшли ярим ҳимоячи Николо Фаджоли билан шартномани узайтириш вариантини кўриб чиқмоқда. Бу ҳақда Италия ОАВлари хабар бермоқда. Аввалроқ Фаджоли футболга ноқонуний пул тиккани учун 7 ойга дисквалификация қилингани маълум бўлганди.
Манбага кўра, "Ювентус" Николонинг йилига бир миллион еврога яқин маошини сақлаб қолган, унга психолог тайинлаган ва умумий гуруҳда жамоа машғулотларида иштирок этишига рухсат берган. Жорий мавсумда Фаджоли туринликлар сафида А Серияда 6 та ўйин ўтказди ва битта голли узатмани амалга оширди.
Олдинроқ "Ньюкасл" 10 ойга ноқонуний пул тикиш учун дисквалификация қилинган ярим ҳимоячи Сандро Тоналининг маошини камайтириш вариантларини қидираётгани хабар қилинганди.
