"Yuventus" rahbariyati 22 yoshli yarim himoyachi Nikolo Fadjoli bilan shartnomani uzaytirish variantini ko‘rib chiqmoqda. Bu haqda Italiya OAVlari xabar bermoqda. Avvalroq Fadjoli futbolga noqonuniy pul tikkani uchun 7 oyga diskvalifikasiya qilingani ma’lum bo‘lgandi.

Manbaga ko‘ra, "Yuventus" Nikoloning yiliga bir million yevroga yaqin maoshini saqlab qolgan, unga psixolog tayinlagan va umumiy guruhda jamoa mashg‘ulotlarida ishtirok etishiga ruxsat bergan. Joriy mavsumda Fadjoli turinliklar safida A Seriyada 6 ta o‘yin o‘tkazdi va bitta golli uzatmani amalga oshirdi.

Oldinroq "Nyukasl" 10 oyga noqonuniy pul tikish uchun diskvalifikasiya qilingan yarim himoyachi Sandro Tonalining maoshini kamaytirish variantlarini qidirayotgani xabar qilingandi.