Каталониянинг "Барселона" клуби яқин келажакда ўз истеъдодларидан бири билан хайрлашиши мумкин, дея хабар беради Tribal Football нашри.

Манбага кўра, "кўк-анорранглилар" раҳбарияти Гави ёки Педрини сотиш вариантини кўриб чиқмоқчи. Шу йўл билан каталонияликлар ўзининг молиявий аҳволини яхшиламоқчи. Номи кўрсатилган футболчиларнинг ҳар бирининг трансфери учун 100 миллион еврога яқин пул олиши мумкин.

19 ёшли Гавининг "Барселона" билан шартномаси 2026 йилнинг ёзига қадар тузилган. Шунингдек, Педрининг Каталония топ-клуби билан 2025/2026 йилги мавсум охиригача шартномаси бор.