«Ювентус» бош мураббийи Массимилиано Аллегри жамоасининг рақибларидан устунлиги ҳақидаги саволга жавоб берди.
Кўпчилик ишонганидек, тақвимда еврокубок ўйинлари йўқлиги сабабли, «бьянконери»лар учун жорий А Серия мавсумида муваффақият қозониш осонроқ бўлади.
Бу омилни кўплаб мураббий ва мутахассислар, жумладан, «Милан» бош мураббийи Стефано Пиоли таъкидлаб ўтди.
«Бунинг афзалликлари ҳам, камчиликлари ҳам бор. Имкониятимиз бор экан, бундан максимал даражада фойдаланишга ҳаракат қиламиз, чунки кейинги мавсумда биз еврокубокларда қатнашмоқчимиз», деди «кекса синёра» бош мураббийи «Верона» билан ўйин бошланишидан олдин Sky Sport нашрига.
