«Yuventus» bosh murabbiyi Massimiliano Allegri jamoasining raqiblaridan ustunligi haqidagi savolga javob berdi.

Ko‘pchilik ishonganidek, taqvimda yevrokubok o‘yinlari yo‘qligi sababli, «byankoneri»lar uchun joriy A Seriya mavsumida muvaffaqiyat qozonish osonroq bo‘ladi.

Bu omilni ko‘plab murabbiy va mutaxassislar, jumladan, «Milan» bosh murabbiyi Stefano Pioli ta’kidlab o‘tdi.

«Buning afzalliklari ham, kamchiliklari ham bor. Imkoniyatimiz bor ekan, bundan maksimal darajada foydalanishga harakat qilamiz, chunki keyingi mavsumda biz yevrokuboklarda qatnashmoqchimiz», dedi «keksa sinyora» bosh murabbiyi «Verona» bilan o‘yin boshlanishidan oldin Sky Sport nashriga.