"Лейпциг" Германия чемпионатининг дастлабки 9 турида 20 очко тўплади - бу "буқалар" тарихидаги мавсумнинг иккинчи энг яхши старти. Бундеслигадаги дебют мавсумида, улар дастлабки 9та ўйинда 21 очко тўплашга муваффақ бўлишган.
Кеча "Кёльн" устидан қозонилган йирик ғалабадан сўнг (6:0) Марко Розе шогирдлари тўртинчи ўринга кўтарилиб олди - биринчи ўриндаги "Бавария"дан атиги 3 очко кам. Аммо бугун Дортмунднинг "Боруссия" клуби "Айнтрахт"ни мағлуб этса, "Лейпциг" бешинчи ўринга тушиб қолади.
Бундан ташқари, "буқалар" клубнинг тўпурарлик рекордини янгилашди - 9 турдан кейин улар 25 та гол уришди. Ҳозиргача энг яхши натижа 2016/17 йилги мавсумда 20 та гол бўлганди.
