"Насаф" Суперлиганинг қолдирилган 22-турида Наманганнинг "Навбаҳор" жамоаси билан беллашади. Беллашув 30 октябрь куни 18:15 да старт олади.
Қуйида “Насаф” ва “Навбаҳор” жамоаларининг ҳозиргача ўтказган учрашувлари ҳақидаги статистик маълумотлар билан танишишингиз мумкин:
Бу икки жамоа Ўзбекистон чемпионатида шу вақтга қадар 53 бор тўқнаш келишган. Бўлиб ўтган 22 учрашувда “аждарлар”, 14 ўйинда эса наманганликлар ғалаба қозонишган. 17 учрашувда эса дуранг натижа қайд этилган.
Тўплар нисбати 79:67. Устунлик қаршиликлар томонда. Биринчи даврада Қаршида бўлиб ўтган беллашувда ҳисоб очилмаган. Ўзаро учрашувларда қайд этилган энг юқори ҳисоблар қуйидагича: “Насаф” – “Навбаҳор” 6:0, “Навбаҳор” — “Насаф” 6:0.
Эътиборингизга, Наманганда бўлиб ўтган сўнгги беш учрашувнинг натижаларини ҳавола қиламиз:
03.03.2022 й. | Навбаҳор — Насаф 0:0
19.03.2021 й. | Навбаҳор — Насаф 0:0
26.09.2020 й. | Навбаҳор — Насаф 0:0
31.10.2019 й. | Навбаҳор — Насаф 1:1
07.04.2018 й. | Навбаҳор — Насаф 0:0
