"Вулверхэмптон" ярим ҳимоячиси Педру Нету яқин вақт ичида жамоасини ўзгартириши мумкин. Лондоннинг "Арсенал" клуби 23 ёшли португалиялик ярим ҳимоячининг трансферига қизиқиш билдирмоқда, дея хабар беради Todofichajes.
"Канонирлар" раҳбарияти январ ойидаги трансфер ойнасида Нетунинг трансфери бўйича таклиф билан чиқишга тайёрланмоқда. Педру Англия Премьер-лигасининг жорий мавсумдаги энг яхши ассистенти. Ярим ҳимоячи ўнта ўйинда еттита голли узатмани амалга оширди.
Португалияликнинг "Вулверхэмптон" билан шартномаси 2027 йилнинг ўрталарига қадар тузилган.
