Италия чемпионатининг ўнинчи турида “Интер” ўзининг чемпионлик амбицияларини тасдиқлади ва Италиянинг яна бир топ-клуби “Рома”ни мағлуб этди. Ўйиндаги ягона гол 81-дақиқада Маркус Тюрам томонидан киритилди. Клуб бош мураббийи Симоне Индзаги фикрича, унинг ўйинчилари учрашув тақдирини ўз фойдасига эртароқ ҳал қилишлари керак эди.
"Ўйинни бошидан назорат қилдик, биринчи бўлимда олдинга чиқиб олишимиз мумкин эди. Мен барча ўйинларни шундай ўтказишни хоҳлардим. Биз бу борада ишлаяпмиз. Ва Тюрам ҳам худди шу руҳда давом этиши керак. "У майдонда ва ундан ташқарида тафсилотларга жуда эътиборли", - дея Симоне Индзаги сўзларини келтиради fcinter1908.it.
