"Барселона" "класико"дан кейин Илкай Гюндоганнинг танқидларига ижобий жавоб қайтарди.
"Барселона" Ла Лиганинг 11-туридан ўрин олган ўйинда ўз майдонида "Реал"га (1:2) мағлуб бўлди. Мағлубиятдан сўнг Гюндоган жамоадошларининг ҳиссиётлари кўтарилиши кераклигини айтди: "Мен бу ерга бундай учрашувларда мағлуб бўлиш учун келганим йўқ. Кийиниш хонасида кўпроқ ғазабни кўришни истардим."
Mundo Deportivo хабарига кўра, Гюндоганнинг сўзлари "Барселона" раҳбарияти ва мураббийлар штаби томонидан салбий муносабатга сабаб бўлмаган. Клуб германиялик ярим ҳимоячининг танқидини жамоа учун фойдали деб ҳисобламоқда.
Қолаверса, Гюндоганнинг сўзлари спорт нуқтаи назаридан адолатли деб топилди, чунки ярим ҳимоячи каталонияликларга ҳозирда Европадаги энг кучли жамоалардан бири бўлган "Манчестер Сити"дан "Барселона"га ўтган эди.
