"Рома" бош мураббийи Жозе Моуриньо Италия чемпионатининг 10-тури доирасидаги "Интер"дан учралган мағлубиятдан сўнг (0:1) А Серияни танқид қилди.
"Футболчилар чарчаган бўлса-да, ўйинга тайёргарлик кўриш учун вақт кам бўлган бўлса ҳам ("Рома" пайшанба куни Европа лигасида ўйнади), йигитлар барибир муҳим ўйин ўтказишди.
Ўйлайманки, биргина мен эмас, балки стадиондаги барча ўйин дуранг билан якунланишини ҳис қилишди. "Рома" барча қийинчиликларни хотиржамлик билан енгди.
Мағлубиятга учраганимиздан афсусдаман, йигитлар кўп куч сарфлашди. Гол киритилган вазиятни яхшироқ назорат қилиш мумкин эди. Футболчиларни ҳурмат қилишмагани ачинарли. Ҳакам Маресканинг Манчини ва Ндикага бўлган муносабати кўп нарсани англатади.
Мен жамоа учун, қийин вазиятдаги шундай ўйин учун хурсандман - биз Миланга ярим жамоасиз етиб келдик. Лига ҳам бизга яна бир совға берди - биз душанба эмас, якшанба куни ўйнадик. Ва барибир футболчиларимиз яхши эди. Мен хафаман, чунки биз кўпроқ нарсага лойиқ эдик", - деди Моуриньо ТМW билан суҳбатда.