Франция ички ишлар вазири Жеральд Дарманен "Марсель" мухлисларининг "Лион" автобусига ҳужуми билан боғлиқ воқеа ҳақида гапирди.
"Буни қабул қилиб бўлмайди. L'Equipe нашри "Жиннилар" сарлавҳаси остида мақола чоп этди ва бу уни тасвирлашнинг энг яхши усули. Беш полициячи яраланган, тўққиз киши ҳибсга олинган. 500 нафар полиция ва жандарм сафарбар этилганига қарамай, Францияда туғилган ўзини мухлислар деб атаган баъзи одамлар жамоа автобусига ҳужум қилиб, мураббий ва унинг ёрдамчисига, шунингдек, мухлисларга жароҳат етказган", — деди вазир RMC Sport билан суҳбатда.
Эслатиб ўтамиз, Франция чемпионатининг 10-туридан ўрин олган "Марсель" – "Лион" учрашуви учрашув бошланишига бироз вақт қолганида мезбонлар мухлислари ташриф буюрган клуб автобусига тош отгани сабабли бекор қилинганди. Натижада, "Лион" бош мураббийи Фабио Гроссо шиша бўлакларидан жиддий кесилган. Шунга ўхшаш воқеа 2019 йилда ҳам содир бўлган - ўшанда "Марсель" мухлислари Лион автобусига ҳам ҳужум қилишган.
