Лондоннинг «Челси» клуби ҳужумчи Кристофер Нкунку ноябрь ойи ўрталарида халқаро танаффусдан сўнг майдонга қайтишини кутмоқда. Бу ҳақда журналист Низар Кинселла хабар бермоқда.
Манба берган хабарга кўра, франциялик футболчи халқаро танаффусдан сўнг майдонга тушишга тайёр бўлади. Эслатиб ўтамиз, Кристофер ҳали «Челси» сафида расмий ўйинларда дебют қилгани йўқ. Мавсум олди машғулотлари вақтида Нкунку тиззасидан жароҳат олди, шу сабабли у жорий мавсумда ҳали бирор ўйинда майдонга тушмади.
«Челси» Нкунку трансфери учун 60 миллион евро тўлаган.
