Londonning «Chelsi» klubi hujumchi Kristofer Nkunku noyabr oyi o‘rtalarida xalqaro tanaffusdan so‘ng maydonga qaytishini kutmoqda. Bu haqda jurnalist Nizar Kinsella xabar bermoqda.
Manba bergan xabarga ko‘ra, fransiyalik futbolchi xalqaro tanaffusdan so‘ng maydonga tushishga tayyor bo‘ladi. Eslatib o‘tamiz, Kristofer hali «Chelsi» safida rasmiy o‘yinlarda debyut qilgani yo‘q. Mavsum oldi mashg‘ulotlari vaqtida Nkunku tizzasidan jarohat oldi, shu sababli u joriy mavsumda hali biror o‘yinda maydonga tushmadi.
«Chelsi» Nkunku transferi uchun 60 million yevro to‘lagan.
