Унда Ўзбекистон футбол ассоциацияси ҳамда Ўзбекистон футбол ҳакамлари маркази вакиллари, инструкторлар, ҳакамлар ва назоратчилар иштирок этишди. Йиғилиш танқидий руҳда ўтиб, охирги тур учрашувларида ҳакамлар томонидан йўл қўйилган хато ва камчиликлар таҳлил қилиниб, журналистлар ва оммавий ахборот воситалари ходимларининг саволларига жавоб берилди.
Семинар давомида тажрибали экспертлар томонидан тайёрланган видеороликлар ёрдамида ўтган тур учрашувлари давомида қайд этилган баҳсли вазиятлар муҳокама қилинди. Камчиликларни бартараф этиш ҳамда келгуси ўйинларда ушбу хатоларни такрорламаслик учун нималарга аҳамият қаратиш зарурлиги бўйича кўрсатмалар берилди.