Россия терма жамоаси матбуот хизмати “Астон Вилла” клуби дарвозабони Эмилиано Мартинесни йилнинг энг яхши дарвозабони мукофотини олгани билан табриклади.
“Йилнинг энг яхши дарвозабони учун буюк Лев Иванович Яшин мукофоти “Олтин тўп”ни топшириш маросимида Эмилиано Мартинесга топширилди. Табриклаймиз”, — дейилади мамлакат терма жамоасининг телеграм-каналида.
Эслатиб ўтамиз, Эмилиано Аргентина терма жамоаси таркибида Қатарда бўлиб ўтган 2022 йилги жаҳон чемпионатида ғолиб чиққан эди.