"Интер" ҳужумчиси Лаутаро Мартинес журналистнинг "Реал"га ўтиши мумкинлиги ҳақидаги саволига жавоб берди.
"Албатта, биз жуда катта жамоа ҳақида гапиряпмиз, лекин менинг фикрим ва юрагим доим "Интер" билан.
Оилам ва мен Миланда яхши вақт ўтказамиз ва мен клуб билан совринларни ютишда давом этишни хоҳлайман", - деб жавоб берди Мартинес.
Эслатиб ўтамиз, 26 ёшли аргентиналик футболчи “нерадзуррилар” сафида 2018 йилнинг июль ойидан буён тўп сурмоқда.
Унинг ҳисобида 251 та ўйинда 114 та гол ва 38 та голли узатма бор.
Клуб билан биргаликда Италия чемпиони бўлди ва икки марта мамлакат кубоги ва суперкубогини қўлга киритди.
