ФИФА президенти Жанни Инфантинонинг айтишича, 2034 йилги жаҳон чемпионати Саудия Арабистонида бўлиб ўтади.
“Футбол бошқа спорт турлари каби дунёни бирлаштиради. Жаҳон кубоги бирдамлик ва инклюзивлик хабари учун ажойиб намойишдир. Турли маданиятлар бирга бўлиши мумкин”, — деди Инфантино бу қарорни шарҳлар экан.
Саудия Арабистони аввалроқ ўз режаларини ошкора эълон қилган эди ва ФИФА ўз қарорларидан бирида 2034 йилги турнир Осиёда ўтказилиши кераклигини таъкидлаган эди.
Австралия ўз номзодини қайтариб олганидан кейин Саудия Арабистони турнир учун ягона даъвогар бўлиб қолгани аввалроқ хабар қилинганди.