"Манчестер Юнайтед"нинг ўнг қанот ҳимоячиси Аарон Ван-Биссака билан шартнома яқин орада узайтирилиши даргумон.
"Қизил иблислар" раҳбарияти трансфер ойнаси ёпилганидан сўнг қисқа вақт ичида англиялик футболчи билан музокара ўтказиш ниятида эди, аммо режаларни қайта кўриб чиқишга тўғри келган кўринади. Ҳозир 25 ёшли футболчи шифохонада - у сентябрь ойида жароҳат олган эди. Daily mail хабарига кўра, клуб янги шартнома бўйича музокараларни тўхтатишга қарор қилган. Амалдаги шартнома мавсум охирида тугайди, бироқ автоматик равишда бир йилга узайтириш имкониятини назарда тутади.
Аарон Уан-Биссака 2019 йилдан буён "Манчестер Юнайтед"да ўйнаб келмоқда. У жорий мавсумда бешта ўйин ўтказди.
