"Милан" ҳужумчиси Рафаэль Леау келаси йили клубини ўзгартириши мумкин.

Баъзи маълумотларга кўра, португалиялик "россонери" бош мураббийи Стефано Пиоли билан можарога учраган, бу эса клубнинг ҳужум етакчиси билан хайрлашишига сабаб бўлиши мумкин. Calciomercato хабарига кўра, бугунги кунда унга асосий даъвогар "Манчестер Юнайтед" ҳисобланади. 24 ёшли футболчига аввалроқ Англия премьер-лигасининг бошқа гигантлари қизиқиш билдирганди.

Transfermarkt экспертлари Рафаэль Леаунинг трансфер қийматини 90 миллион еврога баҳоламоқда. Июнь ойида форвард "Милан" билан 2028 йилгача амал қиладиган янги шартнома имзолади.