Ҳозирда Бразилиянинг "Гермио" клуби шарафини ҳимоя қилаётган Луис Суарес Уругвай терма жамоасининг навбатдаги йиғинига чақирилиши кутилмоқда.
Sport нашри хабарига кўра, 36 ёшли форвард жароҳатлардан тўлиқ фориғ бўлиб, сўнгги ўйинларни ажойиб тарзда ўтказган. Бу терма жамоа бош мураббийи Марсело Бьелса эътиборини тортган, мутахассис Луисни навбатдаги ФИФА кунлари учун қайдномага киритиши мумкин.
Суареснинг Бразилия клуби билан шартномаси 2024 йилнинг охиригача мўлжалланган. У Уругвай терма жамоасида 137 та ўйинда 68 та гол урган.