Парижда (Франция) бўлиб ўтаётган «Мастерс» туркумига кирувчи турнирнинг иккинчи давра учрашувида дунёнинг учинчи ракеткаси, россиялик теннисчи Даниил Медведев Болгария вакили Григор Димитровдан (рейтингда 17-ўрин) мағлуб бўлди.
Учрашув 6:3, 6:7 (4:7), 7:6 (7:2) ҳисобида болгариялик спортчи фойдасига ҳал бўлди.
Учрашув 2 соат 56 дақиқа давом этди. Димитров бу ўйинда саккиз марта эйс амалга оширди, иккита қўш хатога йўл қўйди ва саккизта брейк-поинтдан тўрттасини аниқ амалга оширди. Медведевда олтита эйс, саккизта қўш хато ва 12 тадан учта брейк-поинт мавжуд.
Париждаги мусобақанинг навбатдаги босқичида Григор Димитров дунёнинг 33-ракеткаси, қозоғистонлик теннисчи Александр Бубликка қарши кортга чиқади. Франциядаги турнир 5 ноябрь куни якунланади.
